თორნიკე ერისთავი (ინტეგრირებული გაკვეთილი) გაკვეთილის თემა | თორნიკე ერისთავი/თორნიკეს გამოსვლა სამსჯავროზე |
სწავლების საფეხური /კლასი | საბაზო საფეხური მე-7 კლასი |
საგანი. მასწავლებლის სახელი და გვარი | ქართული ენა და ლიტერატურა. სიუზი ფელიშვილი |
მოსწავლეთა პროფილი | 14 მოსწავლე. კლასში არ არის განსაკუთრებული მიდგომების, საჭიროებების მქონე მოსწავლე |
გაკვეთილის მნიშვნელობა/აქტუალობა | წინაპართა გმირული საქმეების ცოდნა აუცილებელია მოზარდი თაობისთვის პატრიოტული აღზრდის მიზნით. |
გაკვეთილის მიზანი | ტექსტის შესწავლა,მისი დაკავშირება ისტორიულ რეალობასთან.მოსწავლეებში მხატვრული კითხვის,ზეპირმეტყველებისა და წერის უნარების განვითარება;ტექსტის ინტერპრირების უნარის განვითარება;საპრეზენტაციო უნარის ჩამოყალიბება,ინფორმაციის მოძიებისა და გამოყენების უნარების განვითარება;თანამშრომლობის უნარ-ჩვევების განმტკიცება. |
შედეგები და ინდიკატორები | ქართ.VII.7.მოსწავლეს შეუძლია სხვადასხვა სახის მხატვრული და არამხატვრული ტექსტების გააზრება-გაანალიზება,მათ მიმართ საკუთარი დამოკიდებულების გამოხატვა და ახსნა. *ახასიათებს პერსონაჟს მისი გარეგნული ნიშნების,ქცევისა და მეტყველების მიხედვით. ქართ.VII.8.მოსწავლეს შეუძლია ამოიცნოს და შეაფასოს ტექსტის შესაბამისობა კონკრეტულ მიზანსა და აუდიტორიასთან. *ამოიცნობს ტექსტის მიზანს და აუდიტორიას.*მსჯელობს სათაურისა და ტექსტის ურთიერთმიმართებაზე. ქართ.VII.10.მოსწავლეს შეუძლია კითხვის მიზნის შესაბამისი სტრატეგიების გამოყენება. *მოიძიებს საჭირო ინფორმაციას მისთვის საინტერესო თემებზე სხვადასხვა წყაროდან. ქართ.VII.11.მოსწავლეს შეუძლია წერილობითი ტექსტების შექმნა სხვადასხვა მიზნით. *წერს თხრობითი ხასიათის ტექსტებს. ქართ.VII.13.მოსწავლეს შეუძლია წერილობითი ტექსტის ორგანიზაციის წესებისა და ენობრივი ნორმების დაცვა. *იცავს მართლწერისა და პუნქტუაციის წესებს. |
წინასწარი ცოდნა | ნაწარმოების ისტორიული ფონი,შესავალი,I-II თავების/’წვეულება,დარბაზის შეყრა/შინაარსი საზეპიროებით. |
გაკვეთილის მსვლელობა/საკლასო მენეჯმენტი | აქტივობა I-საუბარი ისტორიული ფაქტის შესახებ,რომელიც პოემას დაედო საფუძვლად და გაკვეთილის მიზნის გაცნობა. 3წთ. |
აქტივობა 2-ფრონტალური კითხვებით I,IIთავების გამოკითხვა. 4 წთ. | |
აქტივობა 3-III,IVთავების /თორნიკეს გამოსვლა სამსჯავროზე/ მხატვრული წაკითხვა. 8წთ. | |
აქტივობა 4-უცნობი სიტყვების განმარტებისათვის ორმხრივ ჩანაწერთა დღიურის გაკეთება. 5წთ. | |
აქტივობა 5-ტექსტის კვლავ წაკითხვა და ინტერპრეტაცია.საზეპიროების შერჩევა მოსწავლეთა სურვილით. 7 წთ. | |
აქტივობა 6- მონიტორზე მოსწავლეთა მიერ მოძიებული თორნიკეს საერო და სასულიერო ფოტოების,ქართველთა გმირული ბრძოლების ამსახველი ფოტოებისა და ათენის ნახევარკუნძულის ჩვენება,სადაც ათანასეს ლავრაში მივიდა თორნიკე იოანესთან. 3წთ. | |
აქტივობა7.-კითხვა-პასუხის მეთოდით ახალი მასალის განმტკიცება. 4წთ. | |
აქტივობა 8-ჯგუფური მუშაობა.3,2,1 სტრატეგიის გამოყენებით თემასთან მიმართებაში მოსწავლეთა ინტერესების,ინფორმაციის მოძიების სურვილისა და მსჯელობისთვის სასურველი თემების გაგება. 10 წთ. | |
აქტივობა 9-საშინაო დავალება:,,თორნიკეს სიტყვა სამსჯავროზე“ 1წთ. | |
შეფასების საგანი და პროცედურები | განმავითარებელი-კომენტარებით. განმსაზღვრელი-ჩართულობით,ჯგუფური მუშაობით,პრეზენტაციით /წინასწარ მომზადებული რუბრიკის საშუალებით/ |
სასწავლო მასალა და ტექნიკური რესურსები | სახელმძღვანელო,თაბახის ფურცლები,კალმები,კომპიუტერი,პროექტორი. |
Saturday, July 27, 2013
Subscribe to:
Post Comments (Atom)
No comments:
Post a Comment